Oltin palma: Kann festivalining eng oliy e’tirofi
Kann kinofestivalida topshiriladigan "Oltin palma" kino olamidagi eng nufuzli mukofotlardan biridir. U 1955-yilda ta’sis etilgan bo‘lib, festivalning rasmiy tanlovida g‘olib deb topilgan to‘liq metrajli film rejissyoriga topshiriladi.
Mukofot nomi Kann shahri gerbidagi palma novdasidan ilhomlangan. 1964–1974-yillarda uning o‘rniga Gran-pri topshirilgan bo‘lsa-da, 1975-yildan boshlab "Oltin palma" yana festivalning bosh mukofotiga aylandi.
Bugungacha “Oltin palma” mukofotini ayol rejissyorlardan uch nafari qo‘lga kiritgan. 2013-yilda esa festival tarixida ilk bor mukofot nafaqat rejissyor, balki filmning ikki bosh rol ijrochisiga ham topshirildi.
#BilganYaxshi
Telegram | Instagram | Facebook | YouTube | X